Kynbótasýning verður í Borgarnesi dagana 7. til 9. júní. Dómar hefjast stundvíslega kl. 8:00 miðvikudaginn 7. júní. Yfirlitssýning verður föstudaginn 9. júní og verður auglýst nánar þegar nær dregur. 

 Kynbótasýning verður í Víðidal dagana 6. til 8. júní. Dómar hefjast stundvíslega kl. 8:00 þriðjudaginn 6. júní. Yfirlitssýning verður fimmtudaginn 8. júní og verður auglýst nánar þegar nær dregur.

 Kynbótasýning verður á Gaddstaðaflötum við Hellu dagana 6. til 9. júní. Dómar hefjast stundvíslega kl. 8:00 þriðjudaginn 6. júní. Yfirlitssýning verður föstudaginn 9. júní og hefst hún kl. 8:00.  Alls eru 95 hross skráð á sýninguna.

 Yfirlitssýning fer fram á Sörlastöðum í Hafnarfirði föstudaginn 26. maí og hefst stundvíslega kl. 9:00.

 

 Kynbótasýningar fara fram dagana 29. maí til 2. júní á Melgerðismelum og á Selfossi, verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. 

 Kynbótasýning verður á Sörlastöðum í Hafnarfirði dagana 22. til 26. maí. Dómar hefjast stundvíslega kl. 12:30 mánudaginn 22. maí. Yfirlitssýning verður föstudaginn 26. maí. Alls eru 74 hross skráð á sýninguna. 

  Kynbótasýning fer fram á Sörlastöðum í Hafnarfirði dagana 22.-26. maí, verði þátttaka næg. Skráning og greiðsla sýningargjalda fer fram í gegnum netið á síðunni www.worldfengur.com þar sem valið er „Skrá hross á kynbótasýningu“. 

 Nú er Ræktun 2017 að bresta á. Mikið af frábærum gæðingum eru búnir að tilkynna komu sína og lítur dagskráin mjög vel út. 

Nú er forsala að hefjast fyrir stórsýningu Hrossaræktarsamtaka suðurlands. Ræktun 2017 sem verður haldin í Fákaseli laugardaginn 29.apríl kl. 20. Forsalan fer fram í verslun Top Reiter í Ögurhvarfi, Lífland á Hvolsvelli og hjá Baldvin og Þorvaldi á Selfossi.

  "Stóðhestsablað Eiðfaxa er á leið í prent í vikunni. En í því verða allir helstu stóðhestar sem boðnir eru til notkunar sumarið 2017". Þetta kemur fram á vef Eiðfaxa, eidfaxi.is.

 Þann 18. apríl var opnað á skráningar á allar kynbótasýningar vorsins. Skráning og greiðsla fer fram í gegnum netið á síðunni www.worldfengur.com þar sem valið er „skrá hross á kynbótasýningu“. 

Undirbúningur fyrir stórsýningu Hrossaræktarsamtaka Suðurlands RÆKTUN 2017 sem fram fer í Fákaseli að Ingólfshvoli laugardaginn 29. apríl n.k. er í fullum gangi. Eins og verið hefur þá verður áherslan á sýningar ræktunarbúa, afkvæmasýningar hryssna og stóðhesta ásamt hópa einstaklingssýndra hryssna og stóðhesta.

 Hrossaræktarbúið Skipaskagi var tilnefndur sem ræktunarbú Vesturlands árið 2016. Auðvitað munu hross frá Skipaskaga gleðja okkur á Ræktunarsýningu Vesturlands sem haldin verður á morgun í reiðhöllinni í Borgarnesi.

 Sveinn Steinarsson formaður Félags hrossabænda og Þorvaldur Kristjánsson, ábyrgðarmaður hrossaræktar, ferðast um landið og far m.a. yfir eftirfarandi málefni: 

  Nú er búið að stilla upp áætlun fyrir kynbótasýningar árið 2017 og er hún komin á vefinn www.rml.is  undir "Kynbótastarf/kynbótasýningar/sýningaáætlun". 

 Samkvæmt reglugerð um merkingar búfjár skulu öll hross vera örmerkt og ásetningsfolöld skal örmerkja við hlið móður fyrir 10 mánaða aldur. Nú ætti því að vera búið að merkja megnið af þeim fölöldum sem fæddust á síðasta ári. 

 Íslensk hrossarækt í 100 ár - Stefnumótun hrossaræktarinnar. Ráðstefna haldin laugardaginn 3. Desember. Félag hrossabænda, Háskólinn á Hólum, Matvælastofnun, Ráðgjafarmiðstöð landbúnaðarins og Sögusetur íslenska hestsins.

 Hrossaræktarfélag Biskupstungna hélt aðalfund og Uppskeruhátíð í 3.nóv.2016 á Hlöðuloftinu í Efstadal. Fámennt var en góðmennt og gaman að veita verðlaun fyrir hæst dæmdu kynbótahross ársins ræktuð af félagsmönnum okkar. Gestur fundarins var Bjarni Þorkelsson frá Þóroddstöðum og var hann með fróðlegt erindi um hrossarækt.

 Hin árlega hrossaræktarráðstefna fagráðs fer fram í Samskipahöllinni í Spretti, laugardaginn 5. nóvember nk. Aðgangur að ráðstefnunni er ókeypis og allt áhugafólk um hrossarækt er hvatt til að mæta. 

  Fagráð í hrossarækt hefur valið þau bú sem tilnefnd eru til árlegrar heiðursviðurkenningar Bændasamtaka Íslands, ræktunarbú ársins. Valið stóð á milli 71 búa sem náð höfðu athyglisverðum árangri á árinu og í ljósi afar magnaðs árangurs hjá mörgum búum var ákveðið að tilnefna 16 bú í ár.