Spennandi undirbúningstímabil framundan

23.01.2013 - 10:06
Landsliðsnefnd LH og Hafliði Halldórsson liðsstjóri íslenska landsliðsins sem fer á HM í Berlín í ágúst, hafa sett saman dagskrá fyrir áhugasama landsliðskandídata fram á vor.
 
Dagskráin felur í sér námskeiða- og fyrirlestraröð með þekktum reiðkennurum, þjálfurum og fyrirlesurum.
NÁMSKEIÐ
Námskeiðin verða tvískipt. Annars vegar verða þær Rúna Einarsdóttir og Olil Amble með námskeið fyrir ungmenni. Þetta eru fjórar helgar:
1.    26. – 27. janúar
2.    16. – 17. febrúar
3.    16. – 17. mars
4.    6. – 7. Apríl
Á námskeiðaröð fyrir fullorðna verður aðalkennarinn Julio Borba og þær Rúna Einarsdóttir og Olil Amble til aðstoðar. Í boði verða þrjár helgar:
1.    19. – 20. janúar – LOKIÐ
2.    26. – 28. febrúar
3.    20. – 22. apríl
Skráningar fara fram hjá liðsstjóra og skulu þær berast með tölvupósti á netfangið lidsstjori@lhhestar.is. Fram þarf að koma nafn knapa, sími, netfang og nafn hests. Einungis er hægt að skrá á eitt námskeið í einu, þ.e. það námskeið sem næst er á dagskránni.
Námskeiðin fara fram í reiðhöll Eldhesta og hefjast kl. 9:00. Þau eru ætluð öllum þeim sem áhuga hafa á undirbúningi fyrir HM-úrtöku í júní.
FYRIRLESTRAR
Fjölbreyttir fræðslufyrirlestrar verða í boði í vetur og a.m.k ein sýnikennsla.
Febrúar:
•    Sigríður Björnsdóttir dýralæknir – sóttvarnir, munnáverkar og álagsmeiðsl
•    Sigurður Torfi, hófhirða
•    Arnar  Grant,  heilsurækt og mataræði
Fundur haldinn í húsakynnum ÍSÍ 19. febrúar kl. 17:00
Mars:
•    Liðstjóri fer yfir verkefni og stöðu mála
•    Hulda G Geirsdóttir og Hörður Hákonarson alþjóðadómarar - áherslur dóma og dómskala
Fundur haldinn í húsakynnum ÍSÍ 12. mars kl. 17:00

Apríl:
•    Liðsstjóri fer yfir stöðu mála
•    Sýnikennsla: Jóhann Skúlason & Agnar Snorri Stefánsson
Sýnikennslan verður  í reiðhöllinni hjá Eldhestum föstudaginn 5. apríl kl. 16:00

Júní:
•    Keppnisfyrirlestur og keppnistækni
Fyrirlesarar:  Alfreð Gíslason og Sigurbjörn Bárðarson ódagsett
•    Keppnisfyrirlestur og keppnistækni
Fyrirlesarar: Guðmundur Guðmundsson og Sigurður Sæmundsson
Þessir fyrirlestrar eru ódagsettir vegna þess að ekki er vitað nákvæmlega hvenær og hvar þeir verða. En þessir fyrirlestrar verða kynntir tímanlega.
•    Úrtaka fyrir HM 12-17  júní í samvinnu við hestamannafélagið Fák og Gullmótið

Landsliðsnefnd hvetur áhugasama til að fylgjast með heimasíðu LH hvað varðar tilkynningar frá viðburðum og einnig sérstakur flipi í valmynd síðunnar sem heitir „Landslið“ og þar er að finna allar upplýsingar um dagskrána framundan sem og aðrar upplýsingar tengdar landsliðinu og HM2013.
Landsliðsnefnd LH