Kynning liða Equsana deildin 2018

29.01.2018 - 08:03
 Áhugamannadeild Spretts, Equsana deildin 2018, hefst 8 febrúar n.k. og þar með hefst fjórða keppnisárið í þessari frábæru mótaröð.
 
Mótaröðin verður sú allra stærsta og sterkasta til þessa. Í ár var ákveðið að bæta við einu liði til
viðbótar vegna gífurlegar aðsóknar að deildinni. Það voru því fjögur lið sem dregin voru út í útdrætti
deildarinnar í september. Sextán lið mæta til keppni í vetur með samtals áttatíu knapa skráða. Þrír
knapar úr hverju liði keppa í hverri grein fyrir liðið sitt og það eru því fjörtíu og fimm knapar og
hestar sem mæta í hvert mót.
 
Deildin hefst með keppni í fjórgang fimmtudaginn 8 febrúar kl. 19:00. Sem fyrr er aðgangur ókeypis
og fólk hvatt til að mæta í Sprettshöllina til að njóta flottra sýninga og góðra veitinga.
 
Dagskrá vetrarins er eftirfarandi:
Fimmtudagur 8 febrúar – Fjórgangur
Fimmtudagur 22 febrúar – Fimmgangur
Fimmtudagur 8 mars – Slaktaumatölt og flugskeið í gegnum höllina
Fimmtudagur 22 mars – Tölt – Lokamótið
 
Fyrstu fjögur liðin sem við kynnum til leiks eru lið Blue Lagoon, Garðatorgs, Heimahaga og Barka.
 
sjá nánar