Íslandsmót í hestaíþróttum 2. – 7. júlí

18.06.2019 - 08:01
 Íslandsmótið í hestaíþróttum verður haldið 2.-7.júlí 2019 á félagssvæði hestamannafélagsins Fáks í Reykjavík. Að mótinu standa hestamannafélögin átta sem staðsett eru á suðvesturhorni landsins; Máni, Brimfaxi, Sörli, Sóti, Sprettur, Fákur, Hörður og Adam.
 
Íslandsmót fullorðinna & ungmenna ásamt Íslandsmóti barna & unglinga verður haldið saman. Allt mótið mun fara fram á Hvammsvelli. Mótið hefst þriðjudaginn 2.júlí. 
Búið er að opna fyrir skráningu á mótið inná www.sportfengur.com og er skráningafrestur til miðnættis mánudagsins 24. júlí. Ekki verður hægt að skrá eftir þann tíma. 
 
Skráningargjald er:
- 5500 kr. fyrir barna- og unglingaflokk 
- 6500 kr. fyrir ungmennaflokk
- 7900kr. fyrir fullorðinsflokk
- 5500 kr. fyrir skeiðgreinar
 
Eftirfarandi greinar eru í boði:
Meistaraflokkur: fjórgangur V1, fimmgangur F1, tölt T1, tölt T2, gæðingaskeið PP1, 250m skeið P1, 150m skeið P3 og 100m flugskeið P2
Ungmennaflokkur: fjórgangur V1, fimmgangur F1, tölt T1, tölt T2, gæðingaskeið PP1, 100m flugskeið P2 og fimikeppni A2
Unglingaflokkur: fjórgangur V1, fimmgangur F2, tölt T1, tölt T4, gæðingaskeið PP1, 100m flugskeið P2 og fimikeppni A
Barnaflokkur: fjórgangur V2, tölt T3, tölt T4 og fimikeppni A
Vakin er athygli á því að í fullorðinsflokki eru einkunnalágmörk í allar greinar. Það er parið, hesturinn og knapinn, sem þurfa að ná lágmörkum. Nánari upplýsingar hér: https://www.lhhestar.is/is/frettir/lagmork-a-islandsmot-2019