Lífland styður íslenska landsliðið í hestaíþróttum

31.07.2019 - 20:49
 Það var í nógu að snúast í gær þegar landsliðsknapar komu í höfuðstöðvarnar að sækja reiðfatnað sem Lífland leggur til fyrir þá knapa sem keppa fyrir Íslands hönd á HM í næstu viku. 
 
Þeir Þórir Haraldsson forstjóri Líflands og Kristinn Skúlason formaður landsliðsnefndar LH nýttu tækifærið og skrifuðu undir áframhaldandi samstarfssamning en Lífland hefur verið aðal styrktaraðili íslenska landsliðsins í hestaíþróttum um árabil.
 
Þessi samningur er landsliðinu í hestaíþróttum afar mikilvægur og eru landsliðsnefnd og stjórn LH afar þakklát fyrir stuðninginn.
 
Landsliðshópurinn hélt svo af stað í morgun til Berlínar og spennan magnast með hverjum deginum. Að þessu sinn færir Lífland knöpunum reiðfatnað frá Kingsland, tösku frá Mountain Horse, hanska frá Roeckl, hjálma frá Casco og skeið- og landsliðsboli.
 
Í samstarfi við Lífland voru hannaðir sérstakir stuðningsmannabolir fyrir Íslenska landsliðið í hestaíþróttum og fást þeir í Líflandi og í HOI básnum á HM í Berlín
 
 
Við óskum liðinu góðs gengis og vonumst eftir að allir nái sínum markmiðum.
 
 ÁFRAM ÍSLAND!