Íbúar Skaftárhrepps heiðruðu heimsmeistarann sinn

Mynd / Fanney Jóhannsdóttir

Kristínu Lárusdóttur

12.08.2015 - 10:54
 Íbúar Skaftárhrepps, á annað hundrað manns, komu saman í gærkvöldi í Skaftárstofu á Kirkjubæjarklaustri til að heiðra heimsmeistarann sinn, Kristínu Lárusdóttur, sem býr á bænum Syðri-Fljótum.
 
Kristín varð heimsmeistari í tölti á Þokka frá Efstu-Grund í Herning í Danmörku um helgina á heimsmeistarakeppni íslenska hestsins. Kristín var leyst út með blómvöndum og fjölbreyttum gjöfum frá Hestamannafélaginu Kóp, Ungmennasambandi Vestur-Skaftafellssýslu og Skaftárhreppi.
 
Íbúar Skaftárhrepps eru að rifna úr stolti af sinni konu enda árangur Kristínar og Þokka glæsilegur í alla staði.
 
„Þetta gæti verið ávanabindandi,“ sagði Kristín eldhress í viðtali við Stöð 2 þegar hún fagnaði sigrinum á sunnudaginn. Viðtalið má sjá hér að neðan.
 
Frétt: visir.is - MAGNÚS HLYNUR HREIÐARSSON