Opið Nýhestamót Sörla

25.04.2019 - 14:12
 Þá er komið að þessu bráðskemmtilega móti sem haldið verður í Sörla laugardaginn 27.  apríl. Að þessu sinni verður Nýhestamótið opið og vonumst við til að félagsmenn úr öðrum félögum fagni þessari nýbreytni og fjölmenni með nýhestana sína. 
 
Keppnisfyrirkomulagi á Nýhestamóti hefur verið breytt lítilsháttar og verður með eftirfarandi hætti:
* Hestur má ekki hafa unnið til verðlauna árið 2018 eða fyrr hvorki í Sörla né öðrum félögum. 
* Hestur má hafa unnið til fyrstu verðlauna sinna á þessu ári.
* Keppt er í tölti á beinni braut eftir rásröð 
(SAMA FYRIRKOMULAG OG Á VETRARLEIKUM)
* Riðnar eru fjórar ferðir, eða tvisvar fram og tilbaka, þar sem sýnt er hægt tölt og fegurðartölt. 
* Hæstu einkunnir úr báðum ferðum gilda.
 
Ef keppendur eru 10 eða færri skráðir í flokk eru ekki riðin úrslit heldur skipar dómari 5 efstu hesta í sæti.
Séu keppendur fleiri en 10 í flokki velur dómari 5 hesta sem ríða úrslit (ein umferð) og verða þá raðaðir í sæti. 
 
Þar sem þetta eru nýir hestar að koma fram á sjónarsviðið á keppnisbrautinni bjóðum við knöpum að senda okkur (sendist á: [email protected]) nánari upplýsingar um hestinn eins og t.d. hver er eigandi, ræktandi, ættir auk annarra skemmtilegra upplýsinga sem getur verið skemmtilegt að þulur segi frá.
 
Í boði verða eftirfarandi flokkar (heiti í sportfeng innan sviga): 
- 21 árs og yngri  (B flokkur ungmenna - Gæðingaflokkur 1)
- Minna vanir karlar og konur (B flokkur - Gæðingaflokkur 2)
- Meira vanir karlar og konur  (B flokkur - Gæðingaflokkur 1)
 
Skráningargjald er kr. 3.500 í fullorðins flokkum og 3.000 í 21 árs og yngri. Skráning er hafin á sportfengur.com og verður opin til 24 apríl  
 
frétt/mynd/facebooksíða sörla