Minnum á skráningu á Opna Gæðingamót Spretts 2019

24.05.2019 - 22:11
 Opna Gæðingamót Spretts fer fram dagana 1. og 2. júní 2019.  Skráning fer fram á Sportfeng, www.sportfengur.com. Skráning hófst 3. maí og lýkur 29. maí. á miðnætti.  Í ár höfum við ákveðið að hafa forkeppnina opna fyrir alla en úrslitin er einungis fyrir félagsmenn Spretts.
 
Skráningargjald í gæðingakeppnina er kr 5.000 en fyrir börn og unginga kr 3.000.
 
Athugið: Skráning fer ekki í gegn fyrr en skráningargjald hefur verið greitt! 
 
ATHUGIÐ: Ekki verður hægt að skrá sig eftir að skráningarfresti lýkur.
 
Boðið verður upp á eftirfarandi flokka:
A-flokk gæðinga
A-flokk gæðinga áhugamenn
A-flokk ungmenna(ný keppnisgrein)
B-flokk gæðinga
B- flokk gæðinga áhugamenn
C- flokk gæðinga
Ungmenni
Unglingar
Börn
Tölt T1 og T3
 
Vinsamlega veitið því athygli að í gæðingakeppni þarf hesturinn að vera í eigu Sprettsfélaga. Keppendur eru beðnir að skoða vel reglur LH sem gilda um þátttöku í gæðingakeppni https://www.lhhestar.is/static/files/Log_LH/kafli-7-reglugerdir-um-gaedingakeppni.pdf
Töltkeppni er opin öllum.
 
Pollar teymdir og pollar ríðandi ef veður leyfir.
 
Glæsileg verðlaun verða í öllum greinum og að auki verður gæðingur mótsins valinn sem og knapi mótsins.
Áhugamenn í A og B flokki ríða með reyndari knöpum en áhugamenn ríða svo sérstök úrslit sunnudaginn 2. júní og þurfa þeir sem ætla að skrá sig í áhugamannaflokk að tilkynna það með því að senda póst á [email protected](knapi + hestur + keppnisflokkur)
 
Svanstyttan er veitt til heiðurs Svani Halldórssyni, stofnfélaga Gusts og síðar Spretts. Svanur hefur ávallt lagt mikið upp úr því að vera prúðbúinn, snyrtilegur og á vel hirtum hesti.
Svansstyttan er veitt Sprettsfélaga sem klæðist félagsbúningi Spretts á mótum og þykir ávallt vera til fyrirmyndar hvað varðar prúðmannlega reiðmennsku, klæðaburð og hirðingu hests, utan vallar sem innan.
 
Í ár verða í annað sinn veitt verðlaun í minningu Jónínu Guðbjörgu Björnsdóttur í Topphestum,Topphestastyttan. Þau verðlaun eru veitt knapa í yngri flokkum sem mætir til keppni á vel hirtum hesti og sýnir góða reiðmennsku. Þessi verðlaun voru veitt í fyrsta skipti í fyrra og var handhafi þeirra Guðný Dís Jónsdóttir en hún keppti í barnaflokki á Roða frá Margrétarhofi.
 
Mótanefnd auglýsir eftir aðstoð við ýmis störf á mótinu, en framgangur mótsins veltur alfarið á góðum stuðningi félagsmanna. Áhugasamir setji sig í samband við Magnús [email protected] eða á [email protected]